U Montri Rangbah ka jylla, u Conrad Sangma ynne hapoh ka yung dorbar da jubab u wa i ri mrad ym em kheiñ ki kam ka jiat karkhana (Industry) tangwa i chna ya ki jait baam nei doh won kheiñ hi ki kam ka jait Industry neidaw wa da em i klam che (Definition) kiwon ki jait kaam wa ye u kheiñ kam ki Industry.
Yeini da jubab u Conrad yeiwa kylli u MLA ka Mawkyrwat, u Renikton Lyngdoh Tongkhar uwa da kylli leh wa lada ya ki karkhana wa boon yoh yarap ki na ka sorkar kam lyngba ka Subsidy hadooh ka bai kit, bai chna wa kiwi dei, tangwa kiwa ri mrad won kam kiyi ki Subsidy wa yoh ki.
U Conrad da ong u wa ka sorkar e yarap Subsidy ko na kiwa boon ki jait kaam kam ka PROGRESS Program kawa sdang ynnin u snem heiwa da saam khon sñiang, khon syiar cha ki warep wei katni won toh ka CM-Elevate Program kawa e Subsidy cha ki warep khamtam kiwa rei mrad wei da dep yoh 30,000 tylli ki Application du hapoh ar bnai.
Da pyntip u leh wa na kini, 20,000 tylli ki Application toh neibynta wow ri mrad wei ka sorkar daw e ko 50% ka Subsidy iwa mut lada chna Farm hei dor wa Rs. 10 lak, ka sorkar u e yarap ko Rs. 5 lak.
U Renik da ong u leh wa lada ka uiñke suwari da kheiñ yaka kam ka Tourism Industry ileh em ye u em ka Livestock Farming Industry.
U Conrad da ong u wa i ri mrad man ko kawi hi katwa ka Food Processing won man ko kam ka Industry.
Da ong u leh wa ym em mut wym e Subsidy ya ki warep wei ka sorkar leh hi ko yeini heiwa ka sorkar da e ko leh da ki kari Mahindra Pick-up kamwa 100 tylli cha ki IVCS wei da booh thong wow e 500 tylli ha ki soo snem wow wan.
Da khana u leh wa ha ki 3 snem wa da lai, da dep chna 166 tylli ki Food Processing Plant ha ka jylla kiwa krehkaam dei bor ka sngi yow lait ki warep u lut ha ka bai bordiñ.
Discussion about this post