theme-sticky-logo-alt
theme-logo-alt
Advertisement ad1
Advertisement ad1

Ym em pyndam ya ka MHIS, tangwa dang pynthymme ya ka wow yoh myntoi waroh ki manyung: AL Hek

Advertisement ad1

Jowai: U montri i chait i khiah ka jylla, u AL Hek da pyntip paidbah u wa ym em u pyndam ya ka Megha Health Insurance Scheme (MHIS) wei katni dang sangeh chipor neidaw ka Policy Break.

Da ong u wa ka sorkar u pynbha chooh chooh ko ya ka MHIS deiwa pynkrehkaam ka deilang waka Scheme ka sorkar pyrdi ka Ayushman Bharat (AB) waka Pradhan Mantri Jan Arogya Yojna (PMJAY) wei deiwa leh ya ini iwa yoh yarap nachwa T. 2.8 Lak kawi ka manyung u ku ko cha ka T. 5 Lak kawi ka manyung.

Advertisement ad1
Advertisement ad1

Da pyntip u leh wa kani ka Scheme u krehkaam ko ya waroh kiwa em hapoh ka jylla lait noh ya kiwa kreh sorkar jylla wa kiwa kreh sorkar pyrdi ka wow pynkrehkaam da ka Department of Health & Family Welfare wei katni dang jied ya ka Insurance Company wow pynkrehkaam ya ka MHIS wei da dep khut tender ha ka 26 tarik uni u bnai.

Chooh chooh da ong wa nadooh wa pynkylla ya ka MHIS cha ka MHIS-Phase II cha ka Phase III da em hi kam kani ka Policy Break kamwa jia nadooh ka 01-11-16 hadooh 30-06-17.

Da pynkut deiwa ong wa ka sorkar u yaleh ko katwa ye yow pynsmat u sdang ya ka bynta (Phase) wa thymme ka MHIS wei wow pynkrehlang waka AB-PMJAY yow ye u e i chakri wa biang cha ki paidbah wei da kyntu ya ki paidbah wow krehlang waka sorkar hadooh wow ye u sdang ya ka Phase wa thymme ka MHIS.

Share this:
Previous

Ka 7 tarik Khonchonglad ka sngi khang kiad

Next

Pynbna ka UDP da i pyrtuid u Jemino kam u kyrtong MP