Ym em u kheiñkor ka sorkar wa ka tnat puræ puthi ya ka Iing Sad ka Hima Khyrim: BJYM

Shillong: I e pyrtuid “Iing Trep” ya ka Iing Sad Iing Sunon yong ka Hima Khyrim kawa em ha Smit kamwa da chon ha ka kot puræ Class III kawa pyrtuid “To Tip Laka Pyrthei” toh i lehbeiñ wa i yoobeiñ ka tnat puræ puthi wa ka Sorkar Meghalaya ya ka Hima Khyrim wa ki ki khun ki hajar ka Hima da ong u Egnestar Kurkalang, President ka BJYM, Meghalaya Pradesh.

“Kammon ka tnat puræ puthi wa ka MBOSE ym tip ki ya dustur riti yong ka Hima Khyrim,” da kylli u Kurkalang.

“I leh waka tnat puræ puthi ym tip ko mo wa ka Iing Sad Iing Sunon yong ka Hima Khyrim toh kawa khooid wa kyntang kawa em ka niam ka rukom wei man ko leh ka wi napyrdi ki Iing Sad yong ki Hima Syiem wa em hapoh ka bri u Hynñiewtrep.”

Hajrong ini ka BJYM da dawa ko na ka sorkar jylla waka MBOSE wa toh u paan maap ki syndon hajrong ini i leh khaler wei toh u pynche ki leh wa lada yoh bor næ ym em na u Syiem wa ka Hima chwa wow chon ya kani ka kot.

Related posts

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Ym pynyieñ kyrtong MDC ka KHNAM na JHADC

November 28, 2024

Ka seiñ da ong ko leh wa ini pynyoo ko waka tnat puræ puthi waka sorkar jylla ym em kheiñkor ko ya ka dustur riti wei kamjooh ya i man kyrpang ka jaitbru Ynñiawtrep Yynñiaw Wasa.

U Kurkalang da beiñ joor u ya ka kot puræ Khasi kawa puræ ki Class III wa ym em chon ya ka hapoh ka jylla tangwa da chon chadooh Noida, pynmih na Delhi wei da wan dai ha Meghalaya, da suba u leh wa em iyi iyi re cha lyndet wow pynlut san ya ka yarong poisa ka sorkar jylla.