Ka Ministry of External Affairs (MEA) ynnin ka sngi da kyntait ko wa yaklam Phone u Prime Minister Narendra Modi wa u President ka USA, u Donald Trump.
Uwa e ktien ka MEA, u Randhir Jaiswal, da kyntait u wa da yaklam Phone kini ki ar ngut ki heh ki ar ri.
Ini i pynche toh hajrong i kam u Trump ha ka 15 tarik wa kular u Modi wow sangeh noh u thied phñiang na Russia heiwa u Trump da ong u wa ini daw yarap i wow pynkut ya ka thma Ukraine.
Ha ka 15 tarik u Trump da ong u leh wa ka India toh ka lok wa ye u chaniah wei u Modi toh u lok yong oo.
Neiliang ka MEA da ban joor ko wa i thied phñiang ka India toh wow myntoi ka ri wa ki paidbah yong ka.
Discussion about this post