U Dasakhiatbha Lamare da pynche u wa ym hiar naka chuki Montri tangwa u nang kreh chitom chooh chooh neibynta wow nang pynbait yei duna wei na i bynta i bha i miat yong ka jylla hi waroh kawi.
Kam wow pynkynmoo wa neiliang uwa yahkhmat ka Liang Pyrchah hapoh ka jylla, u Dr. Mukul Sangma da ong u wa da e yumut wa kam uwa yahkhmat toh u chim yei kitkhlieh hajrong i jia waphær waphær wei wow hiar noh na ka chuki wa ksoh u.
Hajrong ini, u Dasakhiat da ong u wa i ieh lane i hiar chuki ym toh i jubab wa paka, neibhah i oor i pra u wan jia bait ha iwon iwon i por lada toh u jia i, kamtæ wot lada ieh noh ya i kaam Montri leh ym wanrah ya iwon iwon i kylla neibhah lada em uwon uwon leh, i jia daw wan bait.
“Kamtæ, nga ym hiar O naka chuki Montri neibhah ini ym yahaap wa ka yurim ka yong nga, tangwa neini chakhmat daw kreh chitom chooh chooh kammon wow nang pynbha ya kiyi kiyi waroh neibynta i bha i biang yong ki paidbah wa ka jylla hi waroh kawi,” da ong u Dasakhiat.
Ha ka yurim wa nga yieñ O, wow ieh yei kaam chiteiñ ym em kam itæ wei hawa leh ya iwon iwon toh u pyndep wei u ieh chiteiñ daw man ko du lada em i kjut i chitom wa kiwi kiwa jia wa sñiawsih.
