U heh ka AITC ha ka jylla kamjooh uwa yahkhmat ka Liang Pyrchah, u Dr. Mukul Sangma da ong u wa i takit wa laitlooid namo ka Independent Inquiry Committee wa khlieh da u Retired Justice RN Mishra hajrong ki kaam baam tooh ha Meghalaya Energy Corporation Limited (MeECL) ymye i wow sai pyrthai yeiwa sakhiat.
U Sangma da ong u yeini hajrong i kam u Montri Rangbah ka jylla, u Conrad K. Sangma uwa da ong wa ka takit ym em u chem ko wa em i bakla ha i rukom thied tiar ka MeECL hanla i rukom thied toh deiwa bood yei yong warim wa jah i wym yahaap de wa iwa katni.
U Dr. Mukul da ong u wa ympu yoo yaka bui yong ka takit wei pyn nawa sdang da sñiaw artatien u yeini i kaam neibhah ym em u klam che heiyatoh wa iwon i bynta (Specific) wei daw chem chitom wow chemdien yeiwa leh bakla lada ym che hajrong iwon i bynta.
Da ong leh wa nadooh i rukom pynbna ya ka takit wa heiyi i rukom u leh ko da pyntikna wym ye u chem yeiwa sakhiat.
Kamtæ da ban u wa ka takit toh u klam che ko yei bynta namo i kaam khnang wow ye u chem yeiwa sakhiat.
