Uwa yahkhmat ka Bharatiya Janata Party ha Meghalaya, u Alexander Laloo Hek da ong u wa toh sakhiat wa ki 2 ngut ki MLA kiwa da jop ha u 2018 na ka Congress da yaklam ki wow yakhun noh ya ka Election wow wan na ka BJP.
Ya ini u Hek da ong u hawa kylli hajrong i thmu u Mohendro Rapsang uwa man u MLA ka West Shillong wa u Himalaya M Shangpliang uwa man u MLA ka Mawsynram wei katkam i ong u Hek, da em sakhiat i yaklam wa kitai ki 2 ngut ki MLA wow psiah cha ka BJP, tangwa hadooh katni i yaklam ym pu kut hanla da noh wow em cha ka BJP.
Hawa kylli hajrong kiwi kiwa mihkhmat, uwa yahkhmat ka BJP da ong wa ym du tang ki MLA wa katni kiwa thmu wow em noh wa ka BJP, tangwa ki MLA warim wa kiwi ki bru wa paawkhmat da em yumut ki wow psiah cha ka BJP.
Da ong chooh chooh wa ka BJP em ko katni hadooh 30-40 ngut ki kyrtong wei waroh 40 ngut u jop ki tangwa lada hiar katwon katwon leh ka thong man ko wa 10 ngut u jop bait.
