U Montri Rangbah ka jylla, u Conrad K Sangma hawa yaklam wa kiwa thoh khubor ynnin ka sngi ha Shillong da ong u wa ka sorkar ym pu tba ko ya ka Reservation Policy deiwa pynneh ya ka Status Quo yei rukom booh bhah yei kreh.
Yeini da ong u hawa kylli heiyatoh i dawa wow pynkylla yei rukom yabhah kreh hapoh ka jylla.
Da ong u wa da dep klam che wa u pynneh ya ka Status Quo heiyatoh wa ini i kaam deiwa ong leh heijooh i por wa ka Supreme Court da dep ko wow ong ko wa ka Reservation ym toh kawa ye u neh junom tang hapoh ka jylla ym pu em pyrkhat ka sorkar wow pynkylla yeini.
Chooh chooh da ong u wa i klam ka Supreme Court toh iwa klam kyllum khlem da kdaw ya kawon kawon ka jylla wei ym pu kwah u wow ong iyi iyi leh hajrong ini.
