Ynne ka sngi u Sports Minister ka jylla, u Wailadmiki Shylla hawa e i klam ha ka lympung yakun Final ka 1st Wailadmiki Shylla Veterans Football Tournament, da ong u wa ka madan Jrisaleiñ toh ka thaw wa da pynmih ya chiboon ngut ki khloor yalehbol na Ri-loom Jaiñtia.
Da ong u wa da toh i por wow pynim ya ka madan Jrisaleiñ khnang wow wan biang ki khynnah u yalehke ha kani ka madan.
U Wailadmiki da pyntip u wa dadep chong ya ka yalang wa u Education Minister, ka Education Department, ka Government Boys HS School, ka Dorbar Chnong Chutwakhu wa ka Kur Challam heiwa daw chna noh ya ka Sitting Gallery namo ka thaw paitke mar pyrchah ka Chutwakhu Indoor Hall.
Da pyntip u leh wa katni dapoi ha ka kyrdan wa khaddooh namo ka Final Stage wow sdang noh u chna ya kani ka thaw paitke.
Chooh chooh da ong u wa manda pynmiat ya ka madan daw ye u yakhun ya ki kaam wa sih yong kani ka juk wa katni.
Discussion about this post