Jowai: U montri rangbah ka jylla, u Conrad Sangma ynne ka sngi hawa yaklam wa kiwa pathai khubor hadien wa kut ka Cabinet Meeting ha Jowai da pynsñiaw u wa daw pteiñ pynman ya ka Cabinet Meeting ha waroh ki District ka jylla.
Hajrong ka Child and Maternity Hospital wa em ha Panaliar, Jowai kawa dadep i kreh la kamwa chi snem kattu tangwa dang man ko kawa khang, neiliang u Conrad da ong u wa ha ini wadep heipor wa wan u cha Jowai da lai pait u ya kani ka thaw.
Da ong u wa du hadien wa wan pait ya kani ka thaw neiliang ka sorkar da pynlait ko ya kamwa 72 tylli ki kreh (Sanction Post) wei katni dang lai bait i thung kreh (Recruitment) deiwa pynrap leh wa neidaw i chimkhia u MLA ka thaaiñ (Wailadmiki Shylla) da pynlait ya kini ki kreh.
Heiyatoh won wa i wai ya kani ka thaw sumaar, neiliang u Conrad da ong u wa ympu ye u ong mynnu u wai ya ka tang kiwa boon hi ki kaam man ki kiwa dadep wei yooluti wa ym slem de daw wai noh ya ka.
Chooh chooh da ong u wa katkam wa man katni daw haap yaklam u wa ki heh ka chnat i chait i khiah wow tip iyi iwa dang sahteiñ.
Discussion about this post