theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Ym sñiawphær ka HSPDP lada u Renikton wa u Samlin ym yaleh Election de ki na ka Party

Advertisement ad1

Ka Hill State People’s Democratic Party (HSPDP) da pynsñiaw ko wa ym sñiawpher ko hajrong ki 2 ngut ki MLA ka Party, u Renikton L Tongkhar uwa man u MLA ka Mawkyrwat wa u Samlin Malngiang uwa man u MLA ka Sohïong, lada dang yakhun ki namo ym yakhun na ka HSPDP.

Hawa klam wa kiwa pathai khubor, u Secretary ka HSPDP, u Panbor I Ryntathiang da ong u wa ymtoh de iwa phylla heiyatoh wa ka Mawkyrwat Constituency, neibhah wa ka Party dadep pynbna ko leh ya u kyrtong da u Medal Sing Lyngdoh, neibhah da che wa u Renikton u lai yakhun noh u na kawi ka Party.

Heiyatoh wa u Samlin, da ong u wa ka Party chem chitom ko wow yachem wa u MLA ka Sohïong wot hawa da pyrchang wow thooh ya oo neipor cheipor.

U Ryntathiang da ong u wa ka Party ympu em u jhan ko wow ong wa lada u Samlin u yakhun u ya ka Election na ka HSPDP, tangwa ka Party da phah ko u yachem da uwi na ki heh yong ka khnang wow rap che, deiwa pynrap leh wa ka Party ym sñiawphær ko lada dang yaleh u namo ym yaleh u neibhah chong ha i sñiawthooh yong u Samlin samen.

Share this:
Previous

Wa toh u snem Election waroh kamtre yei dawa tipmit yei kiten Khasi wa Garo: Bajop 

Next

Ka Meghalaya ym em de ko ha ka Map yow tih Uranium