Ym toh de wow pynlut por wow pynkylla yaka aiñ MRSSA, pynkrehkaam noh yaka kamwa man ko: Dr. Mukul

Shillong: Uwa yahkhmat yaka liang pyrchah ka sorkar jylla u Dr. Mukul Sangma da kyntu u yaka sorkar wow pynkrehkaam noh syndon yaka Meghalaya Residents Safety and Security Act (MRSSA), 2016 khlem da wanrah ya iwon iwon i pynkylla kamwa da thmu ka sorkar jylla.

Hawa yaklam wa kiwa thoh khubor hadien wa yachem wa ki dkhot ka Confederation of Meghalaya Social Organisations (CoMSO) ynne ka sngi, da ong u, “Ym toh de wow pynlut por wei toh u dawa naka sorkar wow pynkrehkaam noh syndon ya kani ka aiñ wei manda lai chakhmat daw em bait ki laad wow pynkylla yaka aiñ boi ye u man leh wa ym emkaam wow pynkylla wei du wow pynjanai ya ki Rules kani ka aiñ yow pynbait ya iwa emkaam.”

Da ong u leh wa ka Inner Line Permit (ILP) ym toh kawa yaar bha wei em i tkoh ko.

“Ka aiñ MRSSA ye ko u krehkaam ha waroh ki thaw wei ym em chah khang ko kam ka ILP ya iwa ye ko u krehkaam. Kamwa man katni, kani ka aiñ em ko chiboon ki laad ki luti wow thap ya kiwon kiwon ki kyndon,” ong u Dr. Sangma.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Kam wow pynkynmoo wa i dawa ka CoMSO toh wow thap ya ki kyndon ka ILP hapoh ka aiñ MRSSA, 2016.

Kini ki kyndon toh wa ki baar jylla emkaam ki wow yoh bor (Permit) chwa wow psiah cha ka jylla wei ym ye ki u sah palat 179 sngi wei kitu kiwa ym em Permit hap chah pynchitom ki.

Katkam i ong u Mukul wa kani ka aiñ (MRSSA) toh kawa da chna bniah bha deiwa pyrkhat yei dawa ki paidbah yow yoh ki yei yada.

Da ong u leh wa i psiah tooh ym toh du hapoh India wa chem yaka wei man ko leh ka kaam wa kiwi ki ri ka pyrthai yaleh ki wow pynkhor ya ki aiñ, deiwa e nongmuna leh yaka ri USA, ki ri wa em ha Europe hadooh ka United Kingdom leh da chem chitom ki nei psiah tooh ki bru chapoh ka ri yong ki wei da thooh ki laad wei da chna ki ya ki aiñ heiyatoh wa ini.

Heiyatoh won waka yalang wa daw khut ka sorkar ya waroh ki Party, u Dr. Sangma da ong u wa ka Congress daw pachat ko yeiwa sñiaw ko tangwa ym bien ko wow kylla luti na iwa da man katni neibhah ini waroh toh iwa da chim por boon snem deiwa pyrkhat lang yei dawa yong waroh.

Neiliang ka CoMSO da ong ko wa daw yaklam biang ko sa chisien waka Congress Legislature Party.