Jowai: Katkam ka yutip wa tikna da em ka yalang yong ka Jowai Congress Block Committee ha Ladthadlaboh ynne ka janmiet kawa da chong pyrkhat chaphang u kyrtong MLA ka Congress na Jowai Constituency.
Ha kini ki sngi wa da lai, ki paidbah da em kiwa artatein wa u Dr. R.C. Laloo, Deputy Chief Minister ye u wow dam noh u yaleh Election katwa da em won kiwa ong wa oo daw yaleh bait u.
Tangwa ynne ka sngi ha kani ka yalang katkam ka yutip wa yoh na ki kattu katni kiwa em ha kani ka yalang da ong wa neiliang u Dr. R.C. Laloo da pynsñiaw u wa ha uni u snem wow wan ym yaleh Election MLA 2018 de u wei ya ini i kaam daw ekti noh ha u A.A. Shullai wow yieñ yaleh Election hei thaw yong oo.
Na kiwi tawon ki yutip da ong wa u Laloo da ong u wa ymtoh neidaw i wym em chait u namo kiwi ki daw da dam u da ong u wa da kwah u e laad ya kiwi tawon ha kani ka kynti.
Discussion about this post