Ym ye u khang yei khrong dan ki Dolloi : DC WJH

Jowai : Hadien wa mih boon kiwa pyrchah yei khrong dan ka Dorbar Ki Dolloi Ka Ri Jaiñtia, da yoh u Wyrta u yaklam wa u DC ka West Jaiñtia Hills, u Arunkumar Kembhavi hei yatoh weini.

Kamwow pynkynmoo heini ka seiñ Jaiñtia Hills Truck Owners Association da pyrchah ko ya ki Dolloi u khrong dan ki na ki truck, wei neiliang ka JHADC da maham ko wow pynchitom ya ki Dolloi lada pteiñ ki u khrong dan.

Heijooh i por ka JHADC da thoh ko leh cha u DC wa u SP ka West Jaiñtia hei yatoh weini.

Neiliang u DC da pynche u deiwa ong wa katkam ka hukum ka Supreme Court ka ri da e bor ko ya ki Dolloi u khrong dan ki kawa tip kam ka “Customary Tax”.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Chooh chooh da ong u wa katkam ka kyndon Clause 5 yong ka Sanad wa e ka JHADC cha ki Dolloi da ong wa ki Dolloi ye hi ki u khrong ya ka Customary Tax kawa jooh leh ki.

Neiliang u DC da e u leh ya ka hukum wa ong wa ki Dolloi ye hi ki u khrong dan katkam ka hukum ka yung bichaar.

Hei yatoh won wa ka kyndon wow booh ka JHADC ya ki chwa u khrong ki, u DC da ong u wa ini toh i kaamram ka Council wei ymtoh yong ki bor ka District.