Shillong: I ya pakhot ktieh dei yakop yania hapyrdi u heh ka BJP u Nalin S. Kohli wa ki heh ka Congress dang kyrooh i kat dang mih ki sngi neibhah wa ynne hawa jubab yei kop yania u Kohli wa u Montri Rangbah ka jylla u Dr. Mukul Sangma, da syllaad kylla u ya u Kohli deiwa ong wa u Kohli da klam hi-eh u khlem tip yeiwa sdang wa i kut.
U Dr. Mukul, da kylli kylla u ya u Kohli wa nadooh ynnu man u kam uwa chong chnong ka jylla Meghalaya wow emhok u wow batai stat ya ki kaam ka jylla.
Da ong u leh wa u Kohli man u kam uwa paitke hi-eh heipor yalehke kiwi ha madan katwa pyn da oo ya oo hi ym emkaam u wow ap yeiwa kwah ki paidbah wa paitke.
Ka pakhot ktieh hapyrdi ka BJP wa ka Congress dang kyrooh i hadien wa u MP ka Congress na Assam u Gourav Gogoi da tyrwa u wow yania wa u Nalin Kohli ya ki kaam ka BJP wa ka Congress ha kani ka thaiñ mihsngi.
Tangwa u Nalin Kohli won da pynuiñ kylla u ya ka Congress deiwa ong wa phylla u wa ka Congresss da chim wai ko da u bru uwa na Assam.
Discussion about this post