Ka Bharatitya Janata Party (BJP) Meghalaya ini wa dep da klam ko hakhmat u Union Home Minister, u Amit Shah heipor wa em u ha Shillong wow e thaw yaka Balang Presbyterian ha nongbah Delhi, wei neiliang u Home Minister leh da khut u ya waroh kiwa yahkhmat Christan cha Delhi.
Hawa klam ynne ka sngi, u AL Hek uwa man u MLA ka BJP wa u Montri ka sorkar jylla da khana u wa Amit Shah da phah ktien u lyngba ka BJP Meghalaya wow khut ya waroh kiwa yahkhmat yong ki Balang Christan wow wan yaklam ki yeiwa emkaam ha Delhi. Wei da pyntip u wa u Amit Shah da phah ktien u leh ya kiwa yahkhmat ka Balang Christan wym toh u jngai ki na ka BJP neibhah ka BJP ymtoh kawa pyrchah ya ki Christan wei ye ki wow wan cha Delhi yow yaklam wa oo neibynta iwa emkaam ki.
U Hek da ong u wa ka Party na kani ka jylla u yaklam biang ko wa kiwa yahkhmat ki Balang Christan yow pynbait yei por neibynta wow ya lai cha Delhi yow pynsñiaw yeiwa emkaam hakhmat ka sorkar pyrdi.
Heijooh i por u Hek da khana u wa ka Party BJP na Meghalaya da yaklam ko leh heiyatoh waka Foreign Contribution (Regulation) Act, wei neiliang u Amit Shah da ong u wa ka BJP ymtoh u pyrchah ko ya kawon kawon ka niam næ ki seiñ, tangwa toh u pynbiang ki yeiwa emkaam katkam ka aiñ.
Ha iwi won i liang, u Hek da khana u wa ha i wan yong u Home Minister cha Shillong, neiliang ka Party da yaklam ko leh heiyatoh wa i dawa yaka ILP wei yow tipmit yaka ktien Khasi wa Garo hapoh ka 8th Schedule, wei hajrong ini, u Amit Shah da ong u yeini i kaam daw hap wow pait katkam ki aiñ.
Discussion about this post