U MLA ka North Shillong u Adelbert Nongrum da ong u wa i pynbor ka sorkar wow leh Aadhaar toh i thombor ya kiwa khian wa nai.
Hawa klam ha ka yalang wa da khut pynman da ka Awaken India Movement (AIM) hakhmat u mot u Kiang Nangbah ha Civil Hospital Shillong, u Adelbert da ong u wa oo leh kam u MLA ym pu em leh Aadhaar u wei da wan u ha kani ka yalang wow kyrchaan ya ini i dawa wym toh u pynbor u leh Aadhaar.
Da pynkynmoo u leh wa ha kani ka thaw da pynman u yei chah thngan heipor wa man u kam u MDC nachwa wow dawa na ka sorkar wa u Lat yow mynjur noh ya ka Village Administration Bill (VAB).
Da kyntu u ya kiwa yahkhmat ka AIM wym toh u kut du heini tangwa wow lai cha ki MLA, ki MP wow tuklar wei ka sorkar ymtoh u pynbor ko wow leh Aadhaar.
Da ong u wym toh wa pyrchah u wow leh ya u Aadhaar tangwa ymtoh wow pynbor ya ki paidbah wow leh Aadhaar wei da ong u leh wa ka sorkar India ymtoh u pynbor ko lada kwah ko wa ki paidbah u dang man ki kam ka bynta ka India.
Discussion about this post