Ymtoh wow pynjhan ya ka HLC heiyatoh wa ka Them Iewmawlong: Conrad

Shillong: u Montri rangbah ka jylla, u Conrad K Sangma da ong u wa ka sorkar daw rai ko ya i kaam wa yatoh wa i kyrriah ya ki bru na Them Iew Mawlong hadien wa da yoh ya ka bui na u Prestone Tynsong u Chairman ka High Level Committee (HLC).

Hajrong i dawa yong ka Harijan Panchayat Committee (HPC) wow yoh ya ki kot ki sla, u Conrad da ong u wa daw pdiang lut ya ki chithi yong ki wei man i i kaamram ka HLC wow ap ya waroh.

U Conrad da ong u leh wa ha ka yalang ha Delhi da pyntip u wa dang pynpsiah ya ki pyrtuid wa ki kot ki sla wei manda e ka HLC ya ka bui, daw ye u leh yeiwa emkaam.

Ka Shillong Municipal Board (SMB) hadien wa phah ka HLC da e notice ko cha kj 300 tylli ki manyung ha kani ka thaw wow pynsakhiat lada toh hok kiwa chong ha kani ka thaw tangwa ka HPC da ujor ko pyrchah yeini.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

“Ymye u kyntait ya i hok yong uwon uwon neibhah em ki ka hok wow lai cha ka HLC wow pynsñiaw neiliang yong ki, wow e ya ki kot ki sla wei heitæ u ye ka HLC u chim ka rai,” da ong u.

Da ong u leh wa ka HLC emkaam ko wow leh yei kaam yong ka wei ymtoh wow pynjhan ya ka.

Heiyatoh wei yada ya ki bru ha kani ka thaw, da ong u wa ha i jia ynnin snem da chim ka rai wow yada ya waroh neibhah itæ man i iwa emkaam tam.