15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ymye wow yaklam yei dawa beh kreh wa dang em i hapoh i takit: Conrad

Advertisement ad1

U Montri Rangbah ka jylla, u Conrad K Sangma da ong u wa i mih noh ki MLA ka Liang Pyrchah napoh ka yung dorbar ynne ka sngi ymtoh iwa thymme ha ka synchaar paidbah wei emhok ki wow rah yeiwa ym hun ki tangwa u Lamphang da pynlai u ya ka dorbar katkam ki kyndon neibhah ki phang kiwa dang takit katkam ka aiñ da man Sub Judice ki kamtæ ymye wow yaklam ha ka dorbar.

Hawa kylli, u Conrad da ong u wa ymtoh i rai ka sorkar wow chah næ khang ya i yañia tangwa i yong u Lamphang kam uwa pynlai ya ka dorbar.

Advertisement ad1

Da ong chooh chooh u wa i yaklam ynnin ka sngi da elaad wow yania toh wa hajrong i jia ha Laitumkhrah, wei hawa da lai i yania u Lamphang da pynsangeh noh u neidaw wa ktah ko yei takit wa da thung.

U Conrad da ong u leh wa ymye wow wanrah yaklam hajrong i beh kreh chipor wei toh u em i daw tangwa i daw toh iwa yatoh lang ko wa i takit wei da sñiawthooh wa ymye ko u man ka phang wow ktah yei takit.

Ki MLA ka Congress kiwa em ha ka Liang Pyrchah ynne da mih ki na ka Dorbar wow pyrchah yei wym yohlaad u yañia ya ka ‘Short Duration Discussion ‘ wa da wanrah da u Chief Whip ka Liang Pyrchah, u Process T Sawkmie hajrong i dawa beh kreh chipor ya ki heh pulit wa emkti hei chah tynyap u heh warim ka HNLC.

Share this:
Previous

Ymtoh wow paan lang wa ka Vaccination Certificate hawa yaleh kreh sorkar: Adelbert

Next

E khublei ki San Dong ka Narwan ya u MDC ka 24-Sutnga Narwan Constituency