U Chancellor ka USTM, u Mahbubul Hoque da yoh u da ka jamin Interim Bail hadien wa ka Gauhati High Court da ong ko wym ye wow pyndooh yei man laitlooid u bru katwa dang takit khamtam i rukom man ki kaam wa da chah pynbaad u, kamtæ da e jamin deiwa booh ka poisa kawa Rs. 50,000.
U Hoque da yoh jamin u heiyatoh wa ka Case wa em ha Dhekiajuli PS kawa da chah pynngat u hapoh ka Section 318(4)/316(5)/336(3) ka BNS wa Section 11(1) ka Public Examination (Prevention of Unfair Means) Act, 2024.
Kam wow pynkynmoo wa u Hoque deilang wa kiwi de da chah kem ki wei da phah kset ki da ka Judicial Custody.
U Hoque da em Case u leh ha Patharkandi PS heiwa da chah pynbaad wa na ki 274 ngut ki khynnah wa yaleh ya ka Class 12 Central Board of Secondary Education (CBSE) Physics Exam ha Central Public School (CPS), Patharkandi, heiwa 15 ngut ki khynnah toh kiwa na Adarsha Bidyalaya, Patharkandi wa 45 ngut na CPS, Patharkandi wa 214 ngut won kiwi ki khynnah ka CPS, Patharkandi hi tangwa ym jooh em jooh em won wan skur ki ha CPS, Patharkandi, tangwa da lai skur ki ha ka Vision-50, kawa man kam ka Special Coaching Program wa em hapoh ka University of Science and Technology (USTM).
Kini ki 214 ngut da pynkulmar ki hadien wym em yarap kiwa pait Exam namo ki Invigilator katkam wa da kular ya ki heipor wa chim Admission ki hapoh ka Vison-50 ka USTM. Da em leh kiwa su Rs. 5,00,000 cha ka USTM yow Pass ya kani ka Exam wei u Mahbubul Hoque, uwa man leh kam u tre namo u Founder Chancellor ka USTM, deilang wa kiwi kiwa pynlai da chah pynbaad ki wa da emkti ki wow leh thok.
Daw chong bichaar biang ya kani ka ha 9 tarik u bnai wow wan.
Discussion about this post