Ynne ka sngi, ka Narpuh Border Area Joint Action Committee (NBAJAC) kawa kynthup lang ya ki Waheh Chnong, ki Secretary Chnong wa ki waheh ka thaaiñ Narpuh da yachem ki wa u Montri Rangbah ka jylla, u Conrad K. Sangma ha kamra kreh u ha Shillong yow pynkynmoo wei wow booddien yei dawa booh ya ka C&RD Block wa thymme hapoh ka thaaiñ Narpuh.
Ka Committee da yoh ko ya ka khubor wa bha na u Montri Rangbah uwa da khana wa da mynjur yow sdang noh ya ka C&RD Block ha thaaiñ Narpuh wei daw booh mooyurim ya ka ha ka 26 tarik uni u bnai ha Lumshnong.
Ya kani ka C&RD Block wa thymme daw tip kam ka Lumshnong C&RD Block kawa daw pait yeiwa emkaam ki paidbah kiwa da pynsñiaw yei chitom ki wow lai chadooh cha Khliehriat yow pyndep yei kaam yong ki.
Neiliang ka NBAJAC da pynsñiaw ko yei kmen wa da mihsoh i yakhih ki wei da e khublei ki leh ya u Montri Rangbah wa da pynmankaam u yeini i dawa kamjooh wa sñiawthooh u yei emkaam ki paidbah.
Kam wow pynkynmoo wa u 2018 da pynbna ya ka Lumshnong C&RD Block tangwa da kyrriah noh ya ka cha Wapung heiwa ini i kaam da poi i leh chadooh ka High Court ka Meghalaya.
Puræ leh: Ujor PIL ki ar ngut ki khynroo wow pyrchah yei kyrriah ya ka C&RD Block na Wapung cha Lumshnong
