15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Yoh ka WJH ya ka National Award kam kawi ka District hapoh ka ri wa pliah u pynkrehkaam ya ka MGNREGS

0 Comments

New Delhi: Ka DRDA, West Jaiñtia Hills Hills District hapoh i yahkhmat u Project Director u D.M. Wallang da pyntip u wa deilang wa ki Block Development Officer (BDO) kiwa man leh kam ki MCS, wa kynthup ya u F.B. Basan ka Laskein Block, ka B. Blah ka Thadlaskein Block, ka J.U. Kharpuri ka Amalarem Block wa kiwi ki sahep sorkar ynne ka sngi da li pdiang ki ya ka National Award hapoh ka kyrdan Effective Implementation of MGNREGS naka Ministry of Rural Development kawa da saam da u montri ka sorkar pyrdi wa pait ya ka Rural Development u Narendra Tomar.

Kani da man ko ka sngi wow sah kynmoo ya ka District kamjooh ya ka jylla heiwa da jied du ya 18 tylli ki District napoh ka ri wow yoh ya kani ka khusnaam wei da man ko leh kam wow tipmit yei kreh chitom wow pynkrehkaam hok ya kani ka Scheme sorkar wa chim ka DRDA lyngba ki Block.

Ki katu kani ki kaam wa da pynkrehkaam kynthup ki ya ki 20 tylli ki kaam wa emkaam ha ki thaw wa nongkyndong ha waroh ki Block kam ka Smoke Fish Project ha Umladkhur hapoh ka Amalrem Block, Kitchen Gardens & Paddy Fish Culture ha Laskein Block waka chna pynthymme ya ka nan Thadlaskein hapoh ka Thadlaskein Block wa kiwi kiwi.

Nalor kini da sdang leh ya ki Knowledge Resource Center ha ka Village Employment Council, heiwa kiwa im cha nongkyndong da ye ki u yoh ya ka yutip wa bniah chaphang i rukom krehkaam kiwa boon ki Scheme sorkar wa da pynkrehkaam da kiwa boon ki tnat sorkar.

Hapoh ka Teach to Learn and Learn to Teach da e sikai ya kiwa ym tip u puræ puthi wa kammon wow soi yei pyrtuid yong ki yow lait ki nei chon da ka pariam kti khamtam ya kiwa kreh Muster Roll wei wow pyntikna wa yoh nong yoh myntoi ki paidbah naka MGNREGS deiwa pynbha yei rukom krehkaam ki VEC.

Ini waroh da poi thong ko deiwa ya krehlang ki tnat sorkar (Convergence of Projects) kam ka Agriculture, Horticulture, Fishery, Veterinary, PHE, Forest, Social Welfare, Basin Development iwa da wanrah sakhiat yei kylla hei rukom pynkrehkaam ya ka MGNREGS yow pynduna yei dooh i duk, u pynku kyrdan ya i rukom im ki bru nadooh ki paikhana i pyn yirngam ya ka rymaw, u pynbha ya i chait i khiah wa kiwi kiwi de wa emkaam cha ki thaaiñ nongkyndong.

U Wahlang da e khublei u leh ya waroh kiwa da kreh chitom wow pynman ya kani  ka kaam kawa jop nadooh kiwa kreh DRDA kiwa kreh ha ki Block, waroh ki VEC kamjooh leh kiwa em Job Card yei yieñ skem ki wow krehkaam ka MGNREGS kamwa da thmu ya ka.

Previous
Next

0 Comments

Leave a Reply