August 20, 2021
Ka Assam Rifles ynnin ka sngi da yoh ko wow kem chiboon ki tiar yasiat, ki kuli wa kiwi de ki tiar yaleh na Lawngtlai District ka Mizoram hajan u pood ka India-Myanmar.
Ya kini ki tiar da chem deiwa ya krehlang wa ki pulit ka jylla hadien wa da yoh yutip deiwa tikna.
Ki suloi wa yoh kem toh le tylli ki Pistol, 174 ki kuli, 3 kg ki mar tympdung, ki Mobile Phone wa ki IED.
Heiyatoh wa ini ym pu em yoh wow kem ya kiwon kiwon.
Ha iwon won i jia ha Kamjong District ka Manipur, ha ka 17 tarik ha ki thaw khappood ka India-Myanmar, ki chipai ka Assam Rifle da yoh ki wow chem smat wei da ye ki wow tympra ya ki le tylli ki bomb IED kiwa da dep pynkhreh yow tympdung.
