December 6, 2020
Ki chipai ka Assam Rifles ha Manipur haka 5 tarik uni u bnai da chem wei da kem ki yaki mar wa khayi tooh na iwi i khloo wei da kem leh deilang ya ki 4 tylli ki thuk thuk kiwa da ieh hapoh ini i khloo wa em hajan u pood ka Manipur waka Myanmar.
Kini ki mar kiwa da yoh kem toh kiwa chong dor kamwa T. 8 lak wa kynthup yaki dawai wa syad dor katwa ki thuk thuk toh kiwa chna ha China kiwa wan lyngba ka Myanmar. Ya kini ki mar da e kti cha ka chnat Custom.
Ha Nagaland won haka 2 tarik uni u bnai, ki chipai ka Assam Rifles deilang waki pulit ka Nagaland da yoh ki wow kem ya u dkhot ka KCP (Noyan) naka thaaiñ Chumukedima, Dimapur District wei na oo da yoh leh yaka Pistol .22mm deilang wa ki kuli.
Haka 5 tarik uni u bnai haka jylla Arunachal Pradesh, ki Assam Rifles da pynman ki yaka Health Check Up cum Awareness Camp ha chnong Banfera, Longding District ka Arunachal Pradesh heiwa ya kiwa chong chnong da sylli yei chait i khiah yong ki deilang wa i pynsñiawthooh paidbah kammon wow yada na u COVID-19.
