Yoh kem ka KSU Narpuh ya ar ngut ki Bangladeshi | Ymtoh u pynmih khubor ong ki pulit

Ka KSU Narpuh Circle deilang kiwa chong chnong ka Dona Skur da yoh ki wow kem ya ar ngut ki Bangladeshi kiwa da psiah pyrchah ya ka aiñ  chapoh India heipor kamwa 8:30 i miet wei hadien wa dadep takit bniah ka seiñ, da e kti noh ya ki cha ka Umkiang Police Patrolling Post.

Kini ki Bangladeshi da khana ki wa da yoh ki wow psiah deiwa em ar ngut ki dalal uwi na Bangladesh wa uwi na India tangwa ym yoh wow kem ki.

Neiliang ka seiñ da pyntip ko leh wa ki pulit ka Umkiang PPP da pyrchang ki wow khanglaad ya kiwa yahkhmat ka seiñ wym toh u e khubor ki yeini wa jia iwa da pynkhyrngiat ya ka seiñ wa kammon khlem da pynmih khubor ya kam ini wa jia iwa maa bha ya ka ri wa ka jaitbru.

Ka KSU da kylli wa lada kamni da yoo lakam wa ka chnat pulit da embynta ko wow man kam ki dalal yow pynpsiah ya kini ki bru chapoh ka ri.

Related posts

Chah beiñ joor u Wanbun N Dkhar ha ka ARM wa kyrchaan u ya ka Shree Cement | Uwa man kam u Adviser ka seiñ

July 28, 2026

Chah jrong kti kawi ka khyllood ha u Lawyer ha Shillong | Pynthap yabor u Rs. 500 yow lait ko u khana bru

July 28, 2026