May 31, 2019

Yoh kem ki BSF ya 74 tylli ki masi kiwa wa mut u chah challan tooh cha Bangladesh

Advertisement ad1

Jowai: U Superintendent of Police ka West Jaiñtia Hills da pyntip u wa ki chipai ka BSF Dawki BOP da yoh ki wow em ya 13 tylli ki masi kiwa thmu wow chah challan tooh cha Bangladesh ha ki bynta wa haap hapoh ka Dawki PS.

Haka 14 tarik uni u bnai heipor 9:30 i miet, ki chipai ka BSF Naljuri BOP da yoh kem ki ya ka wi ka masi kawa mut wow chah challan tooh cha Bangladesh.

Ki BSF ka Muktapur BOP won da yoh ki wow kem 60 tylli ki masi kiwa thmu ki bru wym tipmit wow challan tooh cha Bangladesh kiwa da yoh leh u yut naki BSF.

Ha waroh kini, ki bru wa mut wow challan ya kini ki masi da yoh ki wow yut chapoh khloo deiwa chim kabu yei miet.

Kamtæ u SP da pyntip u wa lada em kiwa chah tooh masi yow wan ki chakhmat yow ye u leh ya iwa emkaam.