Ki pulit ka East Jaiñtia Hills da yoh biang ki wow kem sa uwi uwa dai drugs hei step ka 25 tarik uni u bnai hawa kynreh kari ha Lumshnong heiwa ya uni u bru da kem na kawi ka kari kamai Sumo wa em ya u Number ML-05J-8725.
Na ka muna uni u bru da chem 10 tylli ki khieh sabon wa em Heroin hapoh wa khia 125.19 gram iwa chongdor T. 60 lak.
Uni u bru toh uwa tip kam u Sanju Haque Lasker (29 snem) uwa na Cachar Silchar, Assam.
Na uni u bru da yoh leh wow kem ya ka poisa wa T. 4550 deilang wa ki ID Card yong oo wa kynthup ya ka EPIC, Aadhaar, Driving License, PAN Card waka e-SHRAM.
Ya uni da pynngat hapoh ka aiñ NDPS Act wei ya ka takit da leh da ki pulit ka Lumshnong Police Station.
