May 6, 2022

Yoh kem ki pulit ka Meghalaya ya 6 ngut ki nong Nigeria wa emkti hei tynyap bru

Ki pulit ka Meghalaya ynne da yoh ki wow kem ya 6 ngut ki nong Nigeria kiwa da emkti hei tynyap bru kiwa da thmu wow yut cha Bangladesh.

Ini toh hadien wa heipor kamwa 3:00 waje ynne i sngi, ki pulit ka Mumbai da paan yarap ki yow kem ya 6 ngut ki nong Nigeria kiwa da thooh ki pulit kiwa emkti wow tynyap bru iwa da jia ha Mumbai heiwa kini toh kiwa psiah cha Meghalaya dei thmu wow yut cha Bangladesh.

Kamtæ neiliang ki pulit ka Meghalaya da yoh ki wow kem ya kini ki nong Nigeria ha Lad Umsaw, Ri-Bhoi heipor wa lai luti ki da kawi ka kari Tourist Sumo kawa em ya u Number ML-10B-9779.

Kini ki 6 ngut toh kiwa thooh da ki pulit ka Waliv Police Station heiyatoh waka CR Case Number 481/2022 kiwa da chah pynngat hapoh ki kyndon aiñ 302/364/201/323/143/147/149 ka Indian Penal Code. Kini ki 6 ngut toh kiwa da thmu wow yut na India cha Bangladesh lyngba ka Dawki.

Kini kiwa chah kem toh u:

U Christopher Obasi (43 snem) uwa na No. 43, Adoki Street, Surulere, Lagos, Nigeria uwa sah ha Nallasupara, Mumbai, Maharashtra.
U Ahukanna Chinonso (46 snem) uwa na No. 6 Oxho Drive Wilma Oshodi, Nigeria uwa sah ha Naigon, Vashai East, Mumbai, Maharashtra.
U Obi Francis Osita (36 snem) uwa na Ikeja, Lagos, Nigeria uwa sah ha Naigon, Vashai East, Mumbai, Maharashtra.
U Okoro Kelvin Chidozie (29 snem) uwa na Igonda, Lagos, Nigeria uwa sah ha Nallasupara, Mumbai, Maharashtra.
U Emmanuel Agbeyi (37 snem) uwa na Ewhen Community Delta State, Nigeria uwa sah ha Surya Apartment 202, Mira Bhainda Road, Mumbai, Maharashtra.
U Osagiede Godstime (38 snem) uwa na Vinicity 401, Edo State, Nigeria uwa sah ha Surya Apartment 202, Mira Bhainda Road, Mumbai, Maharashtra.

Yoh kem ki pulit ka Meghalaya ya 6 ngut ki nong Nigeria wa emkti hei tynyap bru

You May Also Like