Yoh kem ki pulit ka West Jaiñtia Hills ya uwa myllien wow tooh thuk-thuk

Katkam wa pyntip ki pulit, heipor kamwa 11:00 waje i step ka 5 tarik uni u bnai, da yoh ki wow ksoh ya kawi ka Scooty wa em Number ML-05AD-7426 wa yah da u Pyrkhat Dhar (21 snem) katwa uwa yah won ya ka thuk-thuk wa em Number ML-05AD-3929 da yut u deiwa ieh ka ha thaaiñ Ladjaplem, West Jaiñtia Hills.

Hawa pait sylli ki pulit ya wa waroh ar tylli kini ki kari ar chaka, da chem wa i thaw thap chabi ki toh kiwa da em wa pynchna wei pynsih ki wei u Pyrkhat Dhar toh uwa da emkti nachwa ha ki kaam tooh thuk-thuk wei da chah kem u ha Guwahati, Assam ha u snem 2023 deiwa leh ya kini ki jooh ki kaam.

I chah tooh thuk-thuk dang pteiñ hi i ha uni u bnai heiwa u C.Lyngdoh Kynshi da ujor u wa hei step synyaaw ka ar tarik da em kiwa tooh ya ka thuk-thuk u kawa em Number ML-05AB-9020 na yung wa sah u ha Mawlai Mawdatbaki Umparmaw, Shillong.

Ka A. Mawthoh leh da ujor ko wa hei miet ka 1 tarik hadooh i step synyaaw ka 2 tarik da em wa tooh ya ka Scooty ko wa em Number ML-05X-8033 na Umkdait Nongmensong, Shillong.

U P. Soni won da ujor u wa ha ka 3 tarik da em kiwa tooh ya ka thuk-thuk u kawa em Number DL-11H-2358 na i thaw wa pynyieñ u ka hajan ka ISBT Mawiong, Shillong By-Pass.

Related posts

Mar ya yoo pulit ieh uwi ya ka thuk-thuk wa chah tooh na Jowai ha u sarok Amlarem-Muktapur

September 23, 2026

Napoh i dukan dai soh ha Delhi chna drugs kiwa na baar ri yow pynpoi cha kylleiñ ka ri

September 23, 2026

U S. Syiemlieh da ujor u wa ha ka miet ka 2 tarik da em wa tooh ya ka Scooty u wa em Number ML-05AD-0439 na Umpling, Shillong.

Ka W. N. Sangma da ujor ko ha ka 1 tarik da em wa tooh ka ka Scooty ko kawa em Number ML-08J-1666 na thaw sah ko wa em ha Lapalang, Shillong.