Le ngut ki bru wa tooh thuk-thuk da chah kem ki ha ki pulit ka Special Cell ka East Khasi Hills hawa dang mut ki wow lai tooh ha ka thaaiñ ka 101 Area ynne i step synyaaw.
Kini kiwa chah kem toh u Timus Warbah (30 snem), u Babar Mawblei (26 snem) wa u Synraplang Makri (23 snem) kiwa waroh na Jirang Ri-Bhoi District.
Da kem leh ya ka kari Alto wa pynemkaam ki yow thooh ya ki thuk-thuk wa pynyieñ cha rood sarok.
Na kini da chem leh ya kawi ka thuk-thuk KTM kawa da tooh ki ynnin i step na Malki, Shillong.
Da kem leh ar ngut kiwi kiwa tip kam u Meaibor Kharryjja (26 snem) uwa na Sohlap Shella wa u Bakordor Rapmai (24 snem) uwa na Jatap Shella kiwa man kam kiwa chimkti ya ki thuk-thuk wa chah tooh yow e kti ki cha ki bru wa thied na Bangladesh.
Kini ki bru toh kiwa da emkti wow tooh ya kiwa boon ki thuk-thuk ha Shillong wei da em ki ha kti ki pulit kattu.
Discussion about this post