Ki pulit Special Party ka Pasteur Beat House ynne ka sngi da yoh kem noh ki ya u damok wa lai tooh na kawi ka yung kawa em ha Upper Lachumiere iwa da jia ha ka 13 tarik uni u bnai, heiwa da dat u ka leh da u kynja naar na khlieh ya kawa sah ha kani ka yung kawa da pyrchang wow khang ya oo hapoh kamra.
Katkam wa pyntip da u Superintendent of Police ka East Khasi Hills, u Vivek Syiem uni u bru toh uwa tip kam u Navin Sunar (43 snem), wei da kem ya oo na u Boucher Road, Shillong wei neiliang ki pulit da Register Case ki pyrchah ya uni u bru ha Laitumkhrah Police Station ha ki kyndon 331(7)/304(2)/351(3)/127(2) ka BNS 2023.
Katkam ka FIR wa da yoh, da ong uwa uni u bru hadien wa yoo ka tre yung oo hapoh kamra, da pyrchah ko wow kset oo tangwa da dat u ka da u kynja naar na khlieh wei da maham u leh wow pynyap ka.
Da knieh u leh ya ka muna wa kieñ ko kawa em ka Mobile Phone hapoh deilang ka poisa wei da yut u na ini i thaw.
Discussion about this post