U Montri Rangbah ka jylla, u Conrad K. Sangma ynne da saam u ya ki chithi thung kreh cha ki pulit wa thymme ka Meghalaya Police ha ka 2nd MLP Battalion, Goeragre, Tura heiwa da em 2,968 ngut kiwa da yoh kreh kawa man leh kawi na kiwa heh dooh i thap kreh pulit hapoh ka jylla.
Kiwa boon na kini kiwa yoh kreh toh kiwa man kam ki Armed Branch Constables kiwa 1,494 ngut wei da bood da ki Unarmed Branch Constables kiwa em 720 ngut. Kiwi de toh ki MPRO Operators (205 ngut), ki Firemen (195 ngut), chirup kiwi wa kynthup ya kiwa man kam ki UBSI, Driver Fireman, Driver Constable deilang kiwi de nadooh ki Operator wa Mechanic Post.
U Conrad da ong u wa kani ka sngi toh ka wow sah kynmoo neibhah ye ko wow man kawa heh dooh ka saam chithi thung kreh ha ki snem wa da lai kamjooh hei parom ka jylla.
Da khana u wa kani ka thung kreh toh kawa heh bha heiwa da em palat 1.7 lak tylli ki Application kiwa dapoi wei da pynsñiaw u leh yei hun yeini wa da ye u leh deiwa e khublei leh ya waroh kiwa da yoh kreh chirup ka Central Recruitment Board deilang ka Home (Police) Department yeiwa pynman yeini waroh iwa jop.
Da pynkynmoo u leh ya ki pulit wa thymme wa manda sap ki ya ki Uniform toh u man deiwa emburom, deiwa skem wei deiwa ye u chaniah wei wow leh yei kaam deiwa man salonsar wa deiwa hok.
Discussion about this post