U Montri Rangbah ka jylla u Conrad K Sangma uwa man leh kam u National President ka NPP hawa klam heiyatoh waka Election MDC ka GHADC da ong u wa da yooluti wow jop rap boon tangwa hap wow pdiang yei rai yong ki paidbah wei wow lai chakhmat.
Da ong u leh wa daw hap u pait ha kiwon ki bynta kiwa ym em lai bait kamwa da booh thong wei wow pynbait ya ki neibynta ki por wa daw wan yow pynkhlan yaka Party ha Garo Hills wa ha ka jylla hi waroh kawi.
Chooh chooh da ong u wa ka thong toh wow jop chiteiñ ki Constituency tangwa ym man kaam i wei ini toh iwa da jooh jia hi hapoh ka GHADC wa ym em wa yoh yei rai ki paidbah wow ye u chna sorkar dei bor yong samen.
Heiyatoh won wa i dooh yaka Tura Constituency cha ka BJP, u Conrad da ong u wa ka BJP da yoh ko da tam 8900 Vote katwa ka NPP da yoh ko palat 8300 Vote wei ka yaleh man ko kawa khor bha heiwa ka Tura hei yong oo samen man ko kawa emkaam bha heiwa da ong u leh wa kiwa boon ki wakreh ha GHADC toh kiwa sah ha Tura kamtæ kiwa boon da Vote ki pyrchah ya ka sorkar neidaw wym ye u su yaka tulop wei em leh kiwi ki daw kam kiwa thap Vote kiwa dang khynroo kamjooh leh em ki bynta wa BJP da leh bha ko.
Da ong u leh wa ki kaam wa yatoh wa ki tulop ki wakreh ka GHADC da chah pynbaad ka NPP hadooh wa kiwa boon ki MDC kiwa jop ini wa dep ha kani ka kynti awjan waroh da rem ki nadooh ki yong ka Congress, NPP wa kiwi ki Party leh.
Heiyatoh won wa i chna yaka EC hapoh ka GHADC, u Conrad da ong u wa da em ki kyrtong samen kiwa da kynjoh ktien cha ka NPP kamjooh kiwi ki Party wei da yooluti u daw ye u chna yaka EC ka wow yahkhmat da ka NPP.
