Yoosar ymtip ware ki PIO ka JHADC ya ka aiñ RTI

Jowai : U President ka JYF ynne ka sngi da yoh u ya ka jubab ya ka RTI wa booh ha tnat Forest yong ka JHADC kawa da file nadooh 22.02.16 kawa da palat 30 sngi heiwa ya ka jubab RTI toh u e hapoh ki 30 sngi.

Iwa yo phylla toh wa hei jubab yong u PIO ka Forest ka JHADC da ong wa ka RTI yong ka JYF toh pyrchah ko ya ka kyndon 7 (I) yong ka aiñ RTI.

Hei yaklam wa u Tarun Bhartiya uwa kreh kaam paidbah hei yatoh wa ka aiñ RTI da ong u wa ym em kyndon hapoh ka Section 7 (I) hapoh ka aiñ RTI yow kyntait ya ka RTI yong ka JYF neibhah kani ka Section klam ko ya i kaam yong u PIO yow jubab ya ka RTI ha ki 30 sngi weiwa lada ya ki jubab wa jhan kiwa yatoh wei i kaam yap kaam im hap e hapoh 48 kynta.

Da ong u leh wa kani ka case yong ka JYF ye ki u lai bait cha u State Information Commissioner hapoh ka Section 18 (2) yow pynchitom ya uni u PIO yei daw wa kyntait u ya kani ka RTI.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ong u leh wa ki phang wa kylli wada booh ha ka RTI yong ka JYF ymemhap ki ha ki kyndon wa ye u ktah ya Ri kamjooh leh ya ka Jylla neibhah ki phang toh du kat ya ki kaam pynroi wa pynkreh ka tnat Forest yong ka JHADC kamtæ ym ye khlem dam u jubab ya kani ka RTI.

Neilaing u President ka JYF u P. Majaw da ong u wa sñiaw phylla u yeini i jubab u PIO wei kamjooh leh ong u wa kopsar ym tip ki ya ka aiñ RTI næ wa ym em kheiñ u ya ka RTI ka seiñ boi em leh wa kwah ki u murieh deiwa leh ki kamni. Neiliang ka seiñ ong ko ka u lai ko chakhmat hei yatoh weini i kaam.