Kam chibynta wow pynchlur ya ki khynnah wow puræ ya ka Science ha ki Class wa heh, neiliang ki bor District ka West Jaiñtia Hills da sdang ki ya ka Tynre Wa Ka Science neibynta ki khynnah Higher Secondary School.
Hawa yaklam wa u DC ka District, u Abhinav Kumar Singh, ynne da ong u wa i lai puræ Science hapoh ka jylla man i iwa duna bha, kamtæ khnang wow pynchlur ya ki, da yakreh wa ka National Institute of Technology (NIT) Meghalaya heiwa da sdang u phah ya 30 ngut ki khynnah wow chemsap ki ha kani ka thaw puræ.
Kini ki khynnah kiwa da lai ynne toh mar 10 ngut na Kiang Nangbah Government Higher Secondary School, ka Government Boys’ Higher Secondary School wa ka Government Girls’ Higher Secondary School.
Ha ini i lai ki khynnah daw yoh ki u yaklam wa ki Professor, ka Classroom Experience, Career Counselling wa kiwi kiwi.
U Abhinav da pyntip u leh wa i lai ki khynnah ynne toh da yahkhmat dei u Freddy Passah, ESC.
Da pyntip u leh wa ini i phah khynnah u pteiñ i man ka tayaaw, wei manda dep phah lut ya waroh ki skur daw phah won da ki khynnah Secondary School.
Heiyatoh wa i lut i sep, da ong u wa i lut man iwa khian bha.
Chooh chooh da pyntip u wa da sdang i yaklam wa ka National Institute of Fashion Technology khnang wow phah ya kiwa chna tiar wa kiwa thaiñ tiar na ka thaaiñ wow chah sikai ki.
Discussion about this post