Ka PM SHRI School Jawahar Navodaya Vidyalaya wa em ha Mukhla, West Jaiñtia Hills kawa man ka skur sorkar neibynta ki chynrang wa ki kynthai kawa pynlai da ka Navodaya Vidyalaya Samiti, Noida da lehbha ko ha Result ka CBSE 2025 wa da pynbna ynne ka sngi neibynta ki Class-X wa Class-XII.
Ka JNV Mukhla da yoh ko leh 100% ka Pass Percentage ha Class-X wa Class-XII.
Ha ka Class-X da em 80 ngut kiwa yaleh wei da Pass waroh 80 ngut heiwa da em 95% kiwa yoh 1st Division wei na ki da yoh nyngong (Topper) ka Dakanishwa Phalangki kawa da yoh 91%.
Ha ka Class-XII (Science) da em 29 ngut kiwa yaleh wei da Pass waroh 29 ngut kiwa waroh yoh 1st Division ki wei na ki da yoh nyngkong (Topper) ka Ibasuk Sana kawa da yoh 91.60%.
Ha ka Class-XII (Humanities) da em 43 ngut kiwa yaleh heiwa waroh 43 ngut da Pass ki deiwa yoh 1st Division wei na ki da yoh nyngkong ka Bergenia Bang kawa da yoh 92.60%.
Neiliang u Principal ka skur, u Neeraj Kumar da ong u wa ini i lehbha ha kani ka Board Exam toh deiwa kreh chitom ki khynnah chirup i pynchlur wei e mynsien kiwa sikai deilang wa ki bei ki pa.
Kamtæ da e khublei u ya waroh ki khynnah wei sñiaw sarong ya ki Topper.
Discussion about this post