I kawang Petrol Bomb da ki bru wym tipmit da pteiñ i ha Shillong heiwa ha kani ka kynti won ka thaw wa em ki CRPF kawa em hajan ka yingkieñ Mawlai da chah kawang Petrol Bomb ko.
Katkam ka khubor wa da yoh u lum, da pyntip wa kani ka thaw ki CRPF kawa dang haap hapoh ka Lumdiengjri Police Station, da chah kawang ko da u Petrol Bomb heipor kamwa 12:30 ynne i step synyaaw, tangwa uni u Petrol Bomb da haap bait u ha khyndaw wei ym em chah ktah iyi iyi leh.
Ka Shillong da sakhi ko awjan man-ka-miet kattu i chah kawang Petrol Bomb ha kini ki sngi wa dadep wei ki thaw wa da jied kini ki damok wow leh yeini toh ki thanat waki kari pulit.
Neiliang ki pulit da pynjoor ki yei uiñ sonteri heipor miet yow yada na kam ini i jia wei neiliang won ki bor District leh da phah ki wow kset yaki kari sorkar ha ki thaw wa chngaaiñ yow lait na kam ini i jia.
Discussion about this post