U Deputy Commissioner uwa man leh kam u Chairman ka District Disaster Management Authority (DDMA), East Jaiñtia Hills District da pyntip paidbah u wa ki bynta wa em hajan u 400 KV D/C Silchar-Byrnihat-Azara Transmission Line ka NETC (Tower no.152) wa em ha chnong Shymplong da chah ktah u neidaw wa pynheh sarok ka chnat PWD (Roads).
Najrong ini, da em leh i oor khyndaw hajan uni u Tower iwa da ye u jia biang neidaw wa joor slap.
Kamtæ yow yada nei oor uni u Tower wei wow yada yaki paidbah kamjooh ki yung ki sem wa em chajan, da phah ya u Executive Engineer, PWD (Roads) NEC Division, Khliehriat yow leh u yeiwa emkaam yow pyncheh ya ini i thaw.
Hapoh won ka kyndon namo ka Section 34 (c) ka Disaster Management Act, 2005, neiliang u Deputy Commissioner & Chairman District Disaster Management Authority (DDMA), East Jaintia Hills District da kyntu u yaki paidbah wow man kiwa syndong wei ymtoh wow lai chajan uni u Tower kat wym pu dep u pynchna pynchkeh ya uni u Tower da ka chnat PWD.
Discussion about this post