Ka Synjuk Waheh Chnong Ri Jaiñtia da pyntip ko wa daw pynman ya ka yalang paidbah namo ka General Meeting ha District Library Auditorium, Jowai ha ka 8 tarik uni u bnai heipor 11:00 waje i step.
U President ka Synjuk Waheh Chnong Ri Jaintia, u A. Lypon da pyntip u wa kani ka yalang u man ko kawa kyrpang heiwa daw pynman ya i e ya ki kyntien kular neibynta kiwa kitkaam wa thymme.
Hajrong ini ha ka yalang daw yaklam leh ya ki kaam wa ktah ya ka imlang sahlang wa kiwi kiwi kiwa ktah ya ki ar District.
Da pyntip u leh wa hajrong ki waheh chnong daw em leh u Montri ka sorkar jylla uwa man u MLA ka Khliehriat, u Kyrmen Shylla kam u kongsan wa u MDC ka JHADC u Finelyness Bareh kam u symbood kongsan.
Kamtæ ka synjuk da kyntu ko ya waroh ki Waheh Chnong ka Ri-loom Jaiñtia wa kynthup na East wa West Jaiñtia wa ki Life Members wow pynlait por wow wan cha ka yalang.
Discussion about this post