Da ngiah wei jlep ki paidbah yei rukom synchaar tæ jop tput ka VPP, ong u Dr. Ricky

U Returning Officer ka Shillong Parliamentary Constituency, u SC Sadhu da e kti u ya ka Certificate jop cha u kyrtong ka VPP, u Dr. Ricky AJ Syngkon hadien wa da chah jied u kam u MP wa thymme ka Shillong Constituency. 

U Dr. Ricky da yoh u 5,71,078 Vote wei da pynrem u ya u kyrtong ka Congress, u Vincent H Pala da 3,71,910 Vote uwa da em hei wa ar uwa yoh 1,99,168 Vote.

Ka kyrtong ka NPP, ka Dr. Mazel Ampareen Lyngdoh da yoh ko hei wa le deiwa yoh 1,86,488 Vote iwa mut da chah tam ko da 3,84,590 Vote wei da bood sa u kyrtong ka UDP, u Robertjune Kharjahrin uwa da yoh 44,563 Vote.

Kiwa yakhun kam ki kyrtong samen kitæ u Prof. Lakhon Kma da yoh u 18,582 Vote katwa u Peter Shallam da yoh u 7024 Vote.

Hawa klam hadien wa pynbna kam uwa jop, u Dr. Ricky da ong u wa kamwa ong ki ktien im sngi ka Party wa ong wow pynim, u pynkylla wei pynbha biang ya ka jylla daw booddien u yeini wei daw pynbna leh cheiwon u em ka Party hapoh Parliament.

Related posts

Khut sñiawbha ka NPP 4-Mowkaiaw Block wow chimbynta ha ka Open to All Marathon

January 15, 2026

Daw pynman ya ka General Meeting ka East Jaintia Taxi Owners Drivers Association ha Ladrymbai

January 15, 2026

Da ong u leh wa i jop tput ka VPP toh neidaw wa ki paidbah da ngiah ki wei da jlep ki yei rukom synchaar ha kini ki snem wa da lai wei kwah ki yei kylla.

Ki VPP da yoh ko leh 55.02% ka Vote, ka Congress 19.19%, ka NPP 17.97% katwa ka UDP 17.97%.