Ynne i step da em i pdung Bomb hajan ka Central Reserve Police Force (CRPF) Public School iwa em ha Prashant Vihar, Rohini ha nongbah New Delhi.
Katkam ka khubor wa da yoh, da ong wa i kynroh kani ka skur da oor i wei kamjooh da chah ktah ki dukan wa marjan wa ki kari wa sangeh hajan kamjooh ki yung ki sem kiwa da piah ki yit.
Ki pulit da pyntip ki wa ini da jia i heipor 7:50 i step, heiwa da phah ya ar tylli ki kari tymplæh diñ, ki Bomb Squad wa ki Forensic Team cha ini i thaw wei yei pdung da sñiaw chadooh 2 Km na ini thaw wa jia.
Ka Delhi Fire Services (DFS) da pyntikna ko wa da phah ar tylli ki kari tymplæh diñ.
Ki heh pulit da ong ki wa i takit dang lai i chaphrang heiwa ha ini i pdung ym em ki kynja naar næ ki tiar wa hær na uni u Bomb wei ym em kiwa mynsoo ha ini wa jia.
Neiliang ki pulit dang pait ki ya ki CCTV wow chemdien ya u jait Bomb wa pynemkaam.
Da phah leh ya ki National Security Guard (NSG) wa ki SWAT Commando kamjooh 200 ngut ki pulit.
Ini da jia i hadien wa em boon ki lieñsuiñ da chah pyntieñ ki wa em wa booh Bomb hapoh yong ki.
Discussion about this post