Poi ka Sonam ha Shillong, sak cha Sadar PS thap ki pulit

Ka Sonam Raghuvanshi kawa da chah pynbaad kam kawi na kiwa emkti wow pynyap ya u kurim ko, u Raja Raghuvanshi dapoi ko ha Shillong heipor pyrdi synyaaw.

Ki kari pulit kiwa em soo tylli kiwa li thooh ka na Guwahati Airport da wanrah ki ka sak cha Sadar Police Station, Shillong yow pynman yei takit wei hei step won daw lai rah hakhmat ka yung Kasari u Chief Judicial Magistrate, Shillong.

Ya ka Sonam da wanrah nyngong ya ka na Ghazipur, UP, i thaw wa wan pyndem ko ha ki pulit wei hadien won da lai rah cha Patna Airport yow wanrah ka cha Guwahati Airport.

Ya ki soo ngut won ki chynrang daw poi ki hei step ka 11 tarik kiwa da kit na Indore cha Delhi wei na Delhi won daw wanrah cha Guwahati wei hadien won cha Shillong.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Katkam ka khubor na u heh pulit ka Indore Crime Branch da ong wa kini ki 4 ngut toh kiwa da phla wa emkti ki wow pynyap ya u Raja.