I psiah Congress ymtoh wa chet kylla ya ka yung, kylli na u Dr. Mukul lada oo leh u wan biang u: Zenith

U Zenith M Sangma hadien wa psiah biang u cha ka Congress ynne ka sngi, da ong u wa ha ki kaam Politics ym em iwon iwon wow pynyatoh wa ka kaam yung kaam sem neibhah wa toh ka kaam chakri paidbah.

Deiwa psiah biang u Zenith cha ka Congress, da ieh u ya u payu waheh u, u Dr. Mukul Sangma uwa dang em ha ka TMC.

Hawa klam wa kiwa thoh khubor, u Zenith da ong u wa ha ka Politics hawa chakri paidbah ym em iyi iyi wow ong wa chet kylla ya ka yung ka sem.

Da ong u wa neibynta u Dr. Mukul kam uwa yahkhmat ym ye wow klam neibynta yong oo wei bha wow kylli na oo lada daw wan næ ym wan u cha ka Congress.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Heijooh i por da ong u wa da yut noh u na ka TMC neidaw wa da em u ha ka Congress nadooh wa dang khynnah u wei maya palat u ya kani ka Party wei hawa yatoh wa ka TMC, chong ha kiwa yahkhmat neibhah ha kawon kawon ka Party iwa kongsan dooh toh kiwa yahkhmat.

Da ong u leh wa da wan uiñ biang u cha ka Congress khlem kiwon kiwon ki kyndon wei u man u kam u chipai ka Party yow chakri ya ki paidbah.