Emkaam ya ki kyrtong MDC wow em ki ya ka ST Certificate hawa thap pyrtuid yaleh Election ka GHADC

Hadien wa boon ki yaklam ini wa dep wa yoh ki wym toh ki jaitbru Garo wow chimbynta wow yakhun Election MDC ha Garo Hills, neiliang ka Garo Hills Autonomous District Council (GHADC) da pynmih ko ya ka hukum wa ki kyrtong wa kwah u yaleh Election MDC emkaam ki u em ya ka Scheduled Tribe (ST) Certificate wa e da ka sorkar Meghalaya.

Ya kani ka hukum da pynmih ha ka 17 tarik uni u bnai February 2026 da ka Office ka General Administration Department ka Council heiwa da klam che wa emkaam u e ya ka ST Certificate heipor wa thap pyrtuid.

Ka Executive Committee ha ka yalang ha ka 9 tarik u February da rai ko wa du ki Scheduled Tribe wa tipmit ka Meghalaya wa ye u yaleh Election ha ka Council.

Ya ini i rai da chim kam chibynta wow yada ya ki aiñ, ka rukom im wa i khih i kreh ki jaitbru Ri-loom ka Garo Hills.

Ki Returning Officer wa Assistant Returning Officers ha West, East, South, South West wa North Garo Hills emkaam u paan ki ya ka ST Certificate na ki kyrtong heipor wa thap pyrtuid ki.

Related posts

Daw pynkynmoo biang ka HSPDP ya u CM wow sdang biang i klam pynbait pood wa ka Assam

April 17, 2026

Pynkup burom ka Sawlyngdoh HSS Mowkaiaw ya ka Jenita Pator kawa yoh 5th Position ha ka SSLC

April 17, 2026

Da rai leh wa i wym ye u pynmih ya ka daw chah kyntait i man kyrtong ha ka Election. 

Kani ka hukum da man ko kawa krehkaam nadooh wa pynmih ya ka.