Ka yung bichaar ka Addl. DC (Judicial), Shillong ynne ka sngi da e jamin u ya ka Sonam Raghuvanshi kawi na kiwa chah pynbaad wow pynyap ya u kurim ko, u Raja Raghuvanshi iwa da jia ha thaaiñ Sohra ha u May 2025.
Ka Sonam toh kawa em ha Shillong Jail la kamwa 9 bnai haroh wei da yoh ko ya kani ka jamin heipor wa chong bichaar yeini i kaam ha ka sien wa soo deiwa phah wow booh ka Personal Bond kawa Rs. 50,000.
Da khang leh wow lai ko cha ki thaw wa palat ya u pood ka yung bichaar khlem da yoh bor.
Da phah leh wow wan mih ko kut wa em ka sngi wa bichaar ya ka.
Ka Sonam nadooh u September 2025 da yaleh ko wow yoh jamin heiwa da chah kyntait la le sien.
Kam wow pynkynmoo kiwi kiwa chah pynbaad won wow murieh ya ki sabut, kitæ u Lokendra Singh Tomar, u Balbir Ahirwar wa u Shilom James toh kiwa da yoh jamin.
Kiwi won kiwa pynbaad wa emkti wow pynyap ya u Raja wa kynthup ya u Raj Singh Kushwaha, u Vishal Singh Chauhan, u Aakash Singh Rajput wa u Aanand Kurmi dang em hi ki hapoh patok.
Discussion about this post