Ki damok wa rah Pistol da lute ki ya ka SBI Branch ha Varachha ka sorbah Surat, Gujarat ha i sngi ka 27 tarik wei da rah ki hadooh palat Rs. 50 lak na kani ka Bank.
Ka yutip wa da yoh da ong wa em 5-6 ngut ki damok kiwa da psiah hapoh kani ka chnat SBI deiwa da pynkhreh bha ki.
Manda sai ki ya ki Pistol, kini ki damok da maham ki ya kiwa kreh ka Bank.
Ini da jia i heipor wa ka kari kit poisa namo ka CMS Vehicle dang wanrah poisa ko cha ka Bank.
Deiwa chim kabu yeini i boon poisa ha ka Bank, kini ki damok dapoi ki heipor wa da pynkhreh bha heiwa ki Security Guard leh dang boonkaam bha ki.
Chwa wow yut neini, ki damok da knieh ki ya ki Mobile Phone kiwa kreh kamjooh ki yong ki bru wa em hapoh ka Bank khnang wow lait ki wow pyntip cha ki pulit.
Discussion about this post