Ki pulit ka Pune da e Notice ki ya ki 3 ngut kiwa na United States of America wow mih na ka ri India hadien wa chem wa emkti ki ha ki kaam niam katwa ka Visa yong ki toh wow wan uiñke donhi.
Ka yutip wa da yoh da ong wa ki pulit da e ki ya ka Notice “Leave India” cha kini ki 3 ngut heiwa da phah wow mih ki na India hapoh ka 10 tarik u May 2026 neidaw wa tyngkheiñ ki ya ki kyndon ka Tourist Visa.
Kini ki 3 ngut toh kiwa em hei rta wa 53, 65 wa 66 snem wei dapoi ki ha India hapyrdi ka 19 wa 21 tarik uni u bnai.
Ki pulit da chem ki wa kini ki bru da saam ki ya ki kot lakdop wow pynpoor ya i hikai ka niam Christian iwa man pyrchah ya ki kyndon ka Tourist Visa.
Ini da mih pyrthai i ha ka 27 tarik u April ha Shukrawar Peth ka sorbah Pune heiwa da e ki ha uwa yah kari ya ki kot lakdop wa thoh dei English, Hindi wa Marathi. Da pyrchang ki leh wow hikai niam Christan hawa parom wa kiwi ki bru.
Hadien ini, uwa yah kari da pyntip u ha ki pulit yeiwa jia wei ya ki 3 ngut da kit cha Police Station wei na ki da chem boon tylli ki kot lakdop wa thoh ya ki kyntien niam.
Hawa takit ka Foreigners Registration Office ka Pune Police da chem wa da tyngkheiñ ki 3 ngut ya ki kyndon Visa wei da phah ya ki wow mih na India hapoh i por wa da booh.
U Sandeep Bhajibhakare uwa man u Deputy Commissioner of Police, da pyntikna u yeini iwa jia.
Discussion about this post