Hadien wa ka yung kasari ka Addl. DC (Judicial) Shillong da e jamin ko ya ka Sonam Raghuvanshi, ynne ka sngi won u muktiar yong u Raj Kushwaha da yasaaid u hapoh ka kasari neibynta wow e ka jooh ka jamin yong kani ka jooh ka mukotduma.
U Muktiar yong u Raj Kushwaha, u P. Yobin da ong u wa ynne ka sngi da yasaaid u hakhmat ka kasari neibynta ka jamin yong u Raj, wei dang hap wow yang yei rai wa ka hukum wa pynmih da ka kasari.
Hawa kylli, u Yobin da kyntait u wow jubab iyi tangwa da ong u wa i paan jamin toh neidaw wa ya u Raj leh da pynngat ha ki jooh ki kyndon aiñ kam ka Sonam. Da ong u wa ya kattæ dadep wow lai booh ya ka Bail Application wei dang yang sa du yei rai.
Kam wow pynkynmoo wa u Raj Kushwaha da man u kam u chan ka Sonam Raghuvanshi wei da chah pynbaad u wa emkti u deilang ka Sonam wow sooh buit kammon wow pynyap ya u Raja Raghuvanshi deiwa leh ki soo ngut ki lok u Raj yei kaam deiwa sakhi ka Sonam ha thaw pynyieñ kari wow hiar cha Weisawdong, Sohra.
Discussion about this post