Hadien wa ka seiñ JNC, PSM wa ka HYC dadep ki u yachem wa u Deputy Commissioner ka West Jaiñtia Hills ynnin ka 11 tarik heiyatoh wa i chim poisa ka Toll Plaza wa em ha Ialong, deiwa ong ki leh wa du u President ka seiñ ki kari kamai næ ka All Jaiñtia Commercial Vehicle Association wa tip ya ka hukum u DC wa pynmih ha ka 17 tarik u March, 2026.
Heiyatoh wa i ong kini ki seiñ, ynne ka sngi won neiliang ka seiñ All Jaiñtia Commercial Vehicle Association wa kynthup ya ki seiñ kamai kari waphær waphær da pynche ki deiwa ong wa ya iwon iwon iwa leh hapoh ka Association da leh ki deiwa ya tiplang wei deiwa pynman chwa bait ya ka Meeting.
Neiliang u Paila K Lyngkot, President ka AJCVA, u S.S. Ryngkhlem, Adviser ka All East Jaiñtia Commercial Vehicle, u Wil Dkhar, Adviser ka Jowai Ladrymbai Khliehriat Tourist Taxi Association, u Dominic Dhar, President ka West Jaiñtia Taxi Owners and Driver Association hawa klam pynche, ong ki wa ka khubor wa pynmih da kitai ki seiñ ynnin ka sngi toh kawa yahbakla donhi ya ki paidbah.
Neibhah wa ki hi ym em lai lait ki ya ka EC neibynta kawon kawon ka rai wei toh deiwa ya mynjurlang ki dkhot waroh.
Da kyntu ki leh ya kiwon kiwon wow sñiawbha ki u yakrehlang neibynta kawon kawon ka kaam khnang yow man kawa jop.
Puræ leh: Du u President samen ka seiñ kari kamai wa tip ya ka hukum u DC
Discussion about this post