U MLA ka Nartiang uwa man leh uwa yahkhmat ka NPP kamjooh u Deputy CM, u Sniawbhalang Dhar, da ong u wa waroh man ki kiwa laitlooid wow yakhun pyrchah ya oo ha ka Election MLA 2028 na Nartiang Constituency.
Yeini da ong u hawa kylli lada smat u wow yakhun pyrchah ya u MLA uwa kattæ uwa na Nongkrem uwa man u President ka VPP, u Ardent M Basaiawmoit.
Da ong u wa kiwa yakhun ha ka Election u em bait ki lada na ka UDP, BJP næ VPP wei ha ka Constituency wa man MLA u, kiwon kiwon ye ki wow yakhun Election khlem da paan bor na oo neibhah oo ymtoh u tre ka Nartiang Constituency.
Heiyatoh wa ka yalang ka VPP wa da pynman ha Iawpynsiñ, u Sniawbhalang ong u wa kani ka yaaw man ko kawi na kiwa heh dooh wei ki bru ha katu ka sngi wa wan ap ym em ki tang 250 ngut.
Discussion about this post